?

Log in

Previous Entry | Next Entry

issrailБаләддин Вешо
on 08 Март, 2014

Бә Исраил Мәммәдови

Бәты ашығ оһил, ҹывон,

Боты хванд хәлғи дывон,

Че Толыши шинә зывон,

Нысуты бә вомә, былбыл,

Баһанд ижән, чәмә Былбыл!

Сипирујку бә Кујәру

һәшим пему, ро һурр быбу,

һа тон озод, вылон обу,

Де шој быбу дамә былбыл,

Баһанд ижән, чәмә Былбыл!

Нәғмә чандә дарди дәвој,

Мутәј ғәми быдә бә вој,

Ым – Вәтәни ешғи һәвој,

Шин авазы омә былбыл,

Баһанд ижән, чәмә Былбыл!

Руж дәварды хәјонәдә,

Чәш бысыры шојонәдә,

Һа бә ҹуш бој вәјонәдә!

Веј бә ванги тамә былбыл,

Баһанд ижән, чәмә Былбыл!

Хосә кинон, тиликә зоон,

Хун быгылы, бә һалај бон,

Ованд быбун һәмә савдон,

Ро ныманды нимә, былбыл,

Баһанд ижән, чәмә Былбыл!

Мәрди шојку веј мачә сә,

Ки сыст бәбе, хок бәчәј сә!

Вылә тоғә шәх сычәшә,

Гәвбәгәв бој дәмә, былбыл,

Баһанд ижән, чәмә Былбыл!

Ғырчангинә широн лонәј,

Каспи, Кәдус, Мығон инәј!

Толышстон – вәјшти хонәј,

Фәрон веј вахт фамә, былбыл,

Баһанд ижән, чәмә Былбыл!

2014

Latest Month

June 2014
S M T W T F S
1234567
891011121314
15161718192021
22232425262728
2930     

Tags

Powered by LiveJournal.com
Designed by chasethestars