?

Log in

Previous Entry | Next Entry

pirTolishpress
on 05 Март, 2014

Хыдо рәһмәт быкә!
Чандә соронбин чәј зоон, чәј игләлијә ханымә кинә Забитә, чәј шинә-шәкә нәвон һежо бә зывон гәтејдәбин Әј ки, “Шинә Мо, Хосә Нәнә, Хосә Додо, бочи һежо ҹајли ныштәш чәмә Дәдә јурдәдә? Бој и кәрә быбәмон тыни бә Москва, охо әмә һәммәј әјо жимон кардејдәмон. Бој мыддәти быманд чәмә тоно, гырдә быкә ыштә әғылон ијән нәвон Бәштә сә! Охо әмә һежо зыне кардејдәнимон ки, һәммәјәво боәмон, быжијәмон Ышты тоно – дијәдә! Тынән ҹајлинә мандәш ијо, һежо фикымон Ышты сәпеје, һар ҹылмә бә гәв бардеәдә фикбәпешомон ки, бунәмон Додо чичыш карде?”, әмма ә бәфомандә жен һич есијејдәныбе ыштә кәјку, ыштә һи-сојку, Бәдәлоно! Ҹајли огәте зынејдәныбе Ыштә рәһмәтмандә шујә Әбдули јурди, Чәј әтри Сәјдәбе чә со-бәо! Һар товыстон нәвә-нәтиҹон, вәјујон әвојн гырдә әбин Бәчәј сә, вәјәванд әби соәдә! Зоон имкон быә гылонән һәммәј әвојн. Забитә һич гылә товыстон ҹајли онәгәти Додо. Һар идәдә, Нәвузәдә, Ружомоәдә, Ғәтыләдә әвој дештә ханымә Моә бә иҹо әби. Һар Нәвузәдә Додо сыфтәо тәнујәдә патә ләвәнгинә кижон, мојон бә Москва ијән ҹо шәһрон нығандә ашиш нәби, вырә пәјдо нәкәј Боштә. Ыштә әғылон Идәбахшә вығанде бәпештә роһат әби, әнышти бә Идә сурфә!
Чан кәрә бә соәдә быәмон, хәјәдә, шәрәдә. Һички әзыни воте ки, кејнәсә мәсәше ки, Додо бәкисә барз быкә Ыштә сәдо, рыки Быгәты бә комсә одәми, бәштә әғылон быбу ја һамсијон. Һежо әвиндиш бә даст-почәје соәдә ја кәдә. Бәчәј со дәшеәдә әтрәбу әжәни одәми! Кә-бә, со-бәҹәғ, боғ-боғчә һәммәј бәнә выләпәрә әбин!
Анә бәштә зәмини, бәштә Вәтәни, бәштә кәј, бәштә со-бәј, бәштә Шујә хото бәфомандә мојнә бә чәши вә вардеј мымкун быә ко ни! Јолә имонсојб, ныможәвот, Кәрбәлоји! Жәго мојнон, жәго моон огәтәшоне чәмә Вәтән Толышыстон, нығо доәшоне әв боәмә! Чәвон жәго бәфомандәти быәнәбәј, есә нә Толышыстон нәби, нәәнки толышон ыштән!
Чәмә хосә быјон – Фикрәт, Елшән, Ҹәлил, чәмә шинә һовә Забитә, Хыдо рәһмәт быкә Кинәвәсә Додо!  Хыдо вәјшт быкә Чәј вырәј! Хыдо сәломәт быкә чәј әғылон ијән нәвон ҹони! Охон ғәмон быбу! Быбахшән әмәни ки, жыго гыләј гонә ружәдә нызнәмоне карде дешмә бә иврә быбәмон! Быбахш, әмәни, чәмә Билә Елшән! Хыдо сәбр быдә бәшмә һәммәј! Хыдо сәбр быдә бәчәмә ҹәми хәлғи!

Latest Month

June 2014
S M T W T F S
1234567
891011121314
15161718192021
22232425262728
2930     

Tags

Powered by LiveJournal.com
Designed by chasethestars